Í dag hefst útsláttarkeppnin á Heimsmeistaramóti kvenna í Frakklandi. Það eru tveir leikir í 16-liða úrslitunum.
Í fyrri leik dagsins, sem hefst 15:30, mætast Þýskaland og Nígería. Þýskaland vann alla leiki sína í riðlakeppninni án þess að fá á sig mark á meðan Nígería endaði í þriðja sæti í sínum riðli og komst þannig áfram.
Klukkan 19:00 mætast síðan Noregur og Ástralía. Noregur hafnaði í öðru sæti í A-riðli á eftir gestgjöfum Frakka. Ástralía endaði í öðru sæti í riðli með Ítalíu, Brasilíu og Jamaíka. Þetta ætti að verða hörkuleikur.
María Þórisdóttir hefur staðið sig vel með Noregi á mótinu. Faðir Maríu er handboltaþjálfarinn Þórir Hergeirsson.
Leikir dagsins:
15:30 Þýskaland - Nígería (RÚV)
19:00 Noregur - Ástralía (RÚV 2)
Athugasemdir