ÍR kíkti í heimsókn til Ólafsvíkur í dag þar sem liðið mætti Víkingum í 12 umferð Inkasso-deildarinnar. Breiðhyltingar börðust mikið í leiknum og fengu ekki mörg færi á sig. Sigurmark leiksins kom úr vítaspyrnu seint í uppbótartíma í leik þar sem ÍR hefði getað unnið leikinn eftir að hafa náð jöfnunarmarkinu
Lestu um leikinn: Víkingur Ó. 2 - 1 ÍR
"Þetta er bara síðasta spyrna leiksins. Hann sótti þetta víti, hann er á leiðinni útúr teignum og algjör óþarfi að fá þetta á sig"
ÍR spilaði mjög vel í leiknum og var ekki að sjá að lið í toppbaráttu væri að mæta liði í fallbaráttu á sínum heimavelli í þessum leik.
"Strákarnir fá mikið hrós fyrir frammistöðuna. Þetta var svona tiltölulega jafn leikur og ég hef sagt við strákana að þegar að menn leggja sig svona fram þá er mjög erfitt að spila á móti okkur. Eftir að við jöfnum þá fórum við svolítið illa með góð upphlaup. Við áttum möguleika en Víkingur er náttúrulega með öflugt lið en við áttum svo sannarlega möguleika."
Brynjar er mjög sáttur með að sjá sína menn mæta til Ólafsvíkur og vera svekktir að hafa ekki náð í 3 stig
Viðtalið má sjá í heild sinni hér fyrir ofan
Athugasemdir
