Neymar er ekki í leikmannahópi PSG sem er að spila við Club Brugge í Belgíu þessa stundina.
Neymar er frá vegna meiðsla og hefur því ekki enn spilað í Meistaradeildinni á tímabilinu, enda í leikbanni fyrstu tvær umferðirnar.
Þetta er leikur númer 63 af 126 sem Neymar missir af frá komu sinni til PSG sumarið 2017. Hann er því búinn að missa af nákvæmlega helming leikja félagsins frá komu sinni.
Hann hefur meiðst ellefu sinnum á þessum tveimur árum og verið fjórum sinnum dæmdur í leikbann.
Tölfræðin hans er þó mögnuð. Í frönsku deildinni hefur hann til að mynda skorað 38 mörk í 42 leikjum.
Athugasemdir