Gunnar Nielsen, markvörður FH, fór fram í hornspyrnu undir lokin gegn Val í dag og átti þátt í því að Eddi Gomes skoraði sigurmarkið.
Lestu um leikinn: FH 2 - 1 Valur
„Ég var ekki að pæla í að fara upp en svo sá ég að Óli (Kristjáns) vildi að ég færi upp til að skapa smá kaos og vona að eitthvað gerist. Ég náði að skapa smá kaos og þetta var frábær tilfinning," sagði Gunnar eftir leik.
FH er ennþá í hörkubaráttu við KR um Evrópusæti. Í lokaumferðinni á laugardag mætir FH liði Stjörnunnar í Garðabæ.
„Ég spilaði þarna og það var mjög fínt ár. Ég er spenntur að fara þangað. Þetta er líka stór leikur fyrir þá og það er gaman að klára tímabilið svona þegar er eitthvað til að spila um."
Hér að ofan má sjá viðtalið í heild sinni.
Athugasemdir
