Joachim Löw, landsliðsþjálfari Þjóðverja, segir að fjarvera Gylfa Þórs Sigurðssonar hafi neikvæð áhrif fyrir íslenska landsliðið fyrir leik liðanna í undankeppni HM annað kvöld.
Gylfi verður ekki með Íslandi í fyrstu leikjunum í undakeppni HM en hann og Alexandra Ívarsdóttir, eiginkona hans, eiga von á sínu fyrsta barni á næstunni.
Gylfi verður ekki með Íslandi í fyrstu leikjunum í undakeppni HM en hann og Alexandra Ívarsdóttir, eiginkona hans, eiga von á sínu fyrsta barni á næstunni.
„Hann er auðvitað einn allra best leikmaður Íslands," sagði Löw á fréttamannafundinum.
„Auðvitað hefur þetta neikvæð áhrif fyrir Ísland. Fyrir íslenska liðið er þetta mikill missir."
Í liði Þýskalands verða Toni Kroos, Niklas Sule og Robin Gosens fjarri góðu gamni annað kvöld.
„Þessir þrír leikmenn verða ekki með á morgun. Þetta eru allt mikilvægir leikmenn fyrir okkar lið en því miður geta þeir ekki spilað á morgun," sagði Löw.
Leikir A-landsliðsins:
FIMMTUDAGUR 25. MARS
19:45 Þýskaland - Ísland
SUNNUDAGUR 28. MARS
16:00 Armenía - Ísland
MIÐVIKUDAGUR 31. MARS
18:45 Liechtenstein - Ísland
Athugasemdir
