Þessi 35 ára gamli miðvörður hefur verið fyrirliði Real Madrid og spænska landsliðsins undanfarin ár en hann hefur verið að glíma við meiðsli í vor. Það var því tekin sameiginleg ákvörðun um að hvíla Ramos í sumar.

Aymeric Laporte, miðvörður Manchester City sem lék fyrir öll yngri landslið Frakklands, er í landsliðshópi Spánverja. Hann mun spila í sinn fyrsta keppnisleik fyrir Spán á EM í sumar.

Sergio Busquets verður fyrirliði Spánverja í sumar og má finna spennandi leikmenn á borð við Pedri, Dani Olmo og Adama Traore í hópnum.

Það vekur athygli að Enrique valdi aðeins 24 leikmenn af 26 mögulegum. Enginn leikmaður Real Madrid er í hópnum. Marco Asensio, Isco og Nacho voru skildir eftir heima á meðan Lucas Vazquez og Dani Carvajal eru meiddir.

Spánn er í E-riðli ásamt Póllandi, Slóvakíu og Svíþjóð.

Markverðir: David de Gea, Unai Simon, Robert Sanchez

Varnarmenn: Jordi Alba, Cesar Azpilicueta, Jose Gaya, Eric Garcia, Diego Llorente, Pau Torres, Aymeric Laporte

Miðjumenn: Sergio Busquets (F), Koke, Thiago, Rodri, Fabian Ruiz, Marcos Llorente, Pedri

Framherjar: Alvaro Morata, Mikel Oyarzabal, Dani Olmo, Gerard Moreno, Ferran Torres, Adama Traore, Pablo Sarabia.