Valsmenn hafa sýnt seiglu í upphafi móts og sótt sigur í 5 af 6 leikjum sínum til þessa án þess þó að eiga einhverjar stjörnuframmistöður í öllum leikjum. Styrkleikamerki á liðinu að mati Tufa?

„Við erum ekki að spila upp á tíu, níu eða átta. Við horfum ekki þannig á þetta. Þetta snýst um að vinna leiki, snýst um að safna stigum og við erum að gera það heldur betur og erum mjög ánægðir með okkar uppskeru hingað til.“

Landsliðið er á leið í verkefni á næstu vikum og er einn leikmaður Vals í hópnum sem mæta á Mexikó, Póllandi og Færeyjum. Stóð eitthvað á Val að hleypa mönnum í þessi verkefni en Hannes Þór Halldórsson sem verið hefur aðalmarkvörður landsliðsins undanfarin ár er til að mynda ekki með?

„Það er ekki mitt að svara fyrir. Stjórn okkar er að vinna vel með KSÍ í öllum svona samskiptum og ákvörðunum sem teknar eru en það eina sem við erum að gera er að undirbúa liðið fyrir næsta leik.“

Sagði Tufa en allt viðtalið má sjá hér að ofan.