Magnús Þór, Einar Matthías Kristjánsson, og Sigursteinn Brynjólfsson á kop.is voru í hlaðvarpinu um enska boltann á dögunum. Undir lokin var talað um Man City sem er í áttunda sæti ensku úrvalsdeildarinnar með 23 stig eins og er.

„City-liðið er að verða bara eins manns lið. De Bruyne, við (Liverpool) eigum bara að kaupa hann, taka hann út úr þessu liði. Það er svo margt að held ég inn í City-liðinu. Þeir áttu aldrei að vinna þennan leik," sagði Magnús.

„City er búið að vera í ströggli frá upphafi síðasta leiktímabils. Þeir falla út í Meistaradeildinni í 8-liða úrslitum, eiga aldrei breik í deildinni í fyrra... þeir eru bara á ströggli. Það er einhver pirringur þarna."

„Það er enginn rósagarður ræktaður á Etihad þetta árið. Við erum alltaf að bíða eftir því að þeir komi upp, en við erum búin að bíða eftir því frá því þeir töpuðu fyrir Norwich í fyrra," sagði Magnús.

Man City er búið að laga varnarleikinn hjá sér og það þarf í raun ekki mikið til þess að þeir blandi sér í toppbaráttuna eins og staðan er núna.

Hér að neðan má hlusta á hlaðvarpið í heild sinni.