Defoe kom á 18 mánaða lánssamningi frá Bournemouth og ákvað úrvalsdeildarfélagið að kalla hann ekki aftur úr láninu. Samningur hans við Bournemouth rennur út næsta sumar og honum því frjálst að ræða við önnur félög.

Rangers er búið að staðfesta að Defoe er búinn að samþykkja eins árs samning sem gildir út næstu leiktíð.

Rangers hefur verið að gera góða hluti með Steven Gerrard við stjórnvölinn og situr í öðru sæti skosku deildarinnar, tveimur stigum eftir toppliði Celtic og með leik til góða.

Þá komst liðið upp úr riðlakeppni Evrópudeildarinnar og mætir portúgalska félaginu Braga í 32-liða úrslitum.