Þetta var staðfest nú í kvöld en Óttar mun spila með liðinu á láni frá Venezia út þessa leiktíð.

Venezia greindi frá þessu á Twitter síðu sinni eftir leik við Udinese í kvöld sem tapaðist 3-0. Óttar var ekki á meðal leikmanna.

Siena spilar á 15 þúsund manna leikvangi og er í Serie C en þar er deildin ekki byrjuð á Ítalíu.

Óttar er 24 ára gamall framherji sem kom til Venezia frá Víkingi Reykjavík fyrir tveimur árum. Hann skoraði eitt mark í sjö leikjum á síðustu leiktíð er Venezia fór upp.

Venezia leikur nú í efstu deild Ítalíu og var ekki pláss fyrir Óttar í hópnum.