Stefán Hirst Friðriksson, markvörður Kríu í 4. deildinni, var besti maður vallarins er liðið gerði 1-1 jafntefli við Hamar í úrslitakeppninni í kvöld en hann fær lof á Twitter fyrir frammistöðuna.
Hann varði margsinnis meistaralega í leiknum í kvöld og átti eina bestu frammistöðu keppninnar til þessa.
Stefán, sem er fæddur árið 1987, steig sín fyrstu skref í meistaraflokki með Gróttu árið 2006 en gekk til liðs við KV ári síðar og spilaði með liðinu í fimm ár.
Hann söðlaði um og lék með Snæfell, Augnablik og Kríu áður en hann sneri aftur í KV árið 2016. Stefán lék þrjú tímabil með KV áður en hann tók sér hlé frá knattspyrnu.
Stefán hefur varið mark Kríu í sumar en liðið vann A-riðillinn örugglega og tapaði aðeins tveimur leikjum og fékk á sig 18 mörk. Þá bauð hann upp á frábæra frammistöðu í kvöld.
Jón Aðalsteinn Kristjánsson, þjálfari Hamars, segist aldrei hafa séð aðra eins frammistöðu. Þórður Ingason, markvörður Víkings R., tekur undir þessi orð á Twitter.
„Varð vitni að rosalegri frammistöðu hjá markmanni í 4 deildinni í kvöld. Hef þjálfað í 20 ár, það er mér óskiljanlegt að þessi leikmaður sé að spila á þessu leveli," sagði hann á Twitter.
Kría valdi Stefán mann leiksins og skrifaði nokkur vel valin orð um frammistöðuna.
„Leppin maður leiksins er Hirstarinn. Great Wall of China stóð undir nafni í dag. 32 crosses claimed. The Hamar number 10 er að fara að kýla koddann í kvöld," kom fram í færslu félagsins en allar færslurnar má sjá hér fyrir neðan.
Hirstarinn hendir shout outi á entourage-ið hans Daða í stúkunni
— KRÍA (@Kria_Fotbolti) August 27, 2021
Úthald, snerpa, athygli, styrkur. Íslenskt, já takk.
The Hirst fær kassa af nýja bragðinu heim. Sítrónan - þetta gamla góða Leppin bragð. 90s beint í æð 🍋🍋🍋 pic.twitter.com/e8mu8r9Ew0
Sá einn hálfleik í egilshöll fyrir mörgum árum . Sá bara efstudeildar leikmann
— Þórður Ingason (@doddsabullet) August 27, 2021
Athugasemdir