KSÍ hefur samið við auglýsingastofuna Brandenburg um stuðning við mótun, uppbyggingu og þróun á vörumerkjum sambandsins. KSÍ hefur ákveðið að ráðast í endurmörkum á auðkennum sínum.
Markmið KSÍ og Brandenburg er að styrkja vörumerkið bæði á íslenskum og erlendum markaði en Brandenburg var ein af þremur auglýsingastofum sem KSÍ sem komu með tillögur að breyttri vörumerkjastefnu en Brandenburg hafði vinningin.
„Við hjá KSÍ erum mjög spennt fyrir því sem framundan er í vörumerkjamálum sambandsins. Búið er að vinna mikla greiningarvinnu og framundan eru áhugaverð verkefni sem gaman verður að vinna með Brandenurg," sagði Stefán Sveinn Gunnarsson, sviðsstjóri markaðssviðs KSÍ.
Það hefur verið mikið í umræðunni merki KSÍ en hávær hópur vill fá gamla merkið sem var notað hér árum áður. Í byrjun árs var lagaákvæði um merki KSÍ breytt á ársþingi sambandsins og opnaði það möguleikann fyrir því að breyta merkinu.
„Þetta er að sjálfsögðu eitt mest spennandi vörumerkjaverkefni sem við höfum tekið að okkur og okkur líður dálítið eins og við höfum verið valin í landsliðshópinn. Á sama tíma gerum okkur fyllilega ljóst að um afar krefjandi verkefni er að ræða enda hafa allir sterkar skoðanir á starfsemi KSÍ, utan vallar sem innan. Þannig á það líka að vera, við eigum að vera stolt af KSÍ og því starfi sem þar fer fram. Við höfum veitt ráðgjöf og séð um hönnun í mörgum af stærstu vörumerkjaverkefnum síðustu missera og erum mjög spennt fyrir að fara í þessu vinnu með KSÍ," sagði Ragnar Gunnarsson, framkvæmdastjóri Brandenburgar.
Athugasemdir