Aleksandar Mitrovic skoraði þrennu fyrir Fulham sem vann Swansea 3-1 í ensku Championship-deildinni í kvöld. Fulham er nú í þriðja sæti deildarinnar með 20 stig.

Bournemouth gerði jafntefli í kvöld en liðið er á toppi deildarinnar ásamt West Bromwich Albion, bæði lið með 22 stig.

Wayne Rooney og lærisveinar í Derby eru komnir í plústölu eftir sigur gegn Reading. Stig voru dregin af liðinu eftir að félagið fór í greiðslustöðvun en Derby er nú með eitt stig á botninum.

Nottingham Forest kom sér úr fallsæti með útisigri gegn Barnsley. Millwall er í 14. sæti eftir 1-0 sigur gegn Bristol City en Jón Daði Böðvarsson er áfram í frystikistunni og var ekki í leikmannahópi Millwall.

Luton er í níunda sæti eftir öflugan 5-0 sigur gegn Coventry sem er í fjórða sætinu. Ótrúleg úrslit en Coventry var án ósigurs í fjórum leikjum þegar það kom inn í leikinn.