Spænski varnarmaðurinn Mario Hermosos skoraði sjálfsmark strax á 8. mínútu leiksins.

Antoine Griezmann komst næst því að jafna metin fyrir Atlético í byrjun síðari hálfleiks en aukaspyrna hans hafnaði í slá. Nokkrum mínútum síðar fékk Athletic vítaspyrnu er Hector Herrera gerðist brotlegur innan teigs.

Inaki Williams skoraði úr vítaspyrnunni. Lokatölur 2-0 fyrir Athletic sem er nú stigi á eftir Villarreal sem er í 7. sæti og síðasta sætinu sem gefur þátttökumiða í Evrópukeppni.

Villarreal tapaði fyrir Alaves á útivelli, 2-1. Victor Laguardia og Gonzalo Escalante skoruðu fyrir Alaves sem er í harðri fallbaráttu en það var Samuel Chukweze sem gerði eina mark Villarreal.

Valencia og Levante gerðu 1-1 jafntefli. Valencia er ekki að berjast um neitt sérstakt í deildinni og mun enda um miðja deild en Levante er á botninum og virðir því stigið en liðið er sex stigum frá öruggu sæti.

Úrslit og markaskorarar:

Alaves 2 - 1 Villarreal
1-0 Victor Laguardia ('4 )
2-0 Gonzalo Escalante ('31 )
2-1 Samuel Chimerenka Chukweze ('47 )

Athletic 2 - 0 Atletico Madrid
0-1 Mario Hermoso ('8 , sjálfsmark)
1-1 Inaki Williams ('56 , víti)

Valencia 1 - 1 Levante
1-0 Hugo Duro ('27 )
1-1 Oscar Duarte ('81 )
Rautt spjald: Jose Gaya, Valencia ('31)