Santos sagðist ekki vilja ræða um dómarann að leikslokum og vonar hann að Cristiano Ronaldo leggi landsliðsskóna ekki á hilluna alveg strax.

„Þetta er sorgardagur fyrir Portúgal og portúgölsku þjóðina. Við fundum fyrir nærveru stuðningsmanna og verðum ævinlega þakklátir," sagði Santos að leikslokum.

„Við erum ekki hér til að tala um dómarann. Við gerðum okkar besta, við hefðum getað skorað meira en gerðum það ekki. Við töpuðum fyrir mjög sterku liði."

Ronaldo er 33 ára og telur Santos hann eiga nóg eftir í tankinum þrátt fyrir aldurinn.

„Cristiano á ennþá mikið inni. Við eigum mótsleiki næst í september og við vonum að Cristiano verði með okkur þar."