Real er á toppi spænsku deildarinnar, tíu stigum fyrir ofan Atletico, og þarf sigur til að halda forskoti á Barcelona.

Gareth Bale, Marcos Asensio og Eden Hazard eru ekki með vegna meiðsla, ekki frekar en Diego Costa í liði Atletico. Thomas Lemar, Jose Gimenez og Santiago Arias eru tæpir.

Liðin mættust í úrslitaleik spænska Ofurbikarsins fyrr í janúar og hafði Real betur eftir vítaspyrnukeppni. Þar áður gerðu liðin markalaust jafntefli í deildinni síðasta haust.

Real Mallorca og Real Valladolid eigast svo við í áhugaverðum fallbaráttuslag sem verður sýndur beint. Valencia tekur á móti Celta Vigo í síðasta leik laugardagsins.

Á sunnudaginn getur Real Sociedad smeygt sér í Meistaradeildarsæti með sigri gegn fallbaráttuliði Leganes. Getafe, sem situr í fjórða sæti sem stendur, á svo útileik gegn Athletic Bilbao. Þar kæmi jafntefli ekki á óvart þar sem Bilbao er búið að gera fimm jafntefli í röð.

Villarreal á svo heimaleik á móti Osasuna á sama tíma og Sevilla mætir Alaves. Villarreal hefur verið á miklu skriði síðustu sex vikur en hið sama er ekki hægt að segja um Sevilla, sem datt óvænt úr spænska bikarnum eftir tap gegn B-deildarliði Mirandes í gærkvöldi.

Barcelona mætir svo Levante í síðasta leik helgarinnar. Börsungar eru þremur stigum eftir Real Madrid í titilbaráttunni.

Laugardagur:
12:00 Granada - Espanyol
15:00 Real Madrid - Atletico Madrid (Stöð 2 Sport)
17:30 Mallorca - Valladolid (Stöð 2 Sport 2)
20:00 Valencia - Celta (Stöð 2 Sport 3)

Sunnudagur:
11:00 Leganes - Real Sociedad (Stöð 2 Sport 2)
13:00 Eibar - Betis
15:00 Athletic Bilbao - Getafe (Stöð 2 Sport 2)
17:30 Villarreal - Osasuna
17:30 Sevilla - Alaves (Stöð 2 Sport 2)
20:00 Barcelona - Levante (Stöð 2 Sport 2)