Margir stuðningsmenn Arsenal hafa kallað eftir því að hann verði sviptur fyrirliðabandinu en Unai Emery sagði á fréttamannafundi í vikunni að ekki sé búið að taka ákvörðun um það.

Eftir tapið gegn Liverpool í gærkvöldi vildi Emery ekki staðfesta hvort Xhaka spili um helgina.

„Granit Xhaka? Núna get ég ekki sagt hvernig við ætlum að spila á laugardaginn. Við þurfum að taka þetta skref fyrir skref," sagði Emery.

Samkvæmt Mirror standa leikmenn Arsenal algjörlega við bakið á Granit Xhaka og vilja að hann haldi fyrirliðabandinu en það verður í höndum Emery að taka endanlega ákvörðun.