Núverandi samningur hans átti að renna næsta sumar en nú er ljóst að hann rennur út sumarið 2022.

Þetta gerir liðið svo að hann fari ekki frítt frá félaginu. Jesse Lingard var hluti af enska landsliðinu sem fór í undanúrslitin á HM árið 2018 en hann hefur einungis spilað tvo leiki fyrir United á þessari leiktíð.

„Hann hefur æft vel. Hann er óheppinn því hann þurfti að fara í sóttkví nokkrum sinnum," sagði Ole um Lingard.

Lingard hefur unnið evrópudeildina, FA bikarinn og deildabikarinn á tíma sínum hjá United. Hann á yfir 200 leiki fyrir félagið.