Steve Bruce, knattspyrnustjóri Newcastle, er að glíma við risastórt vandamál en hann segir að 10 af 22 leikmönnum liðsins séu meiddir en liðið tapaði 3-0 fyrir Leicester í dag.
Newcastle lenti í miklum vandræðum í leiknum en Bruce þurfti að gera þrjár skiptingar í hálfleik.
Jetro Willems, Jonjo Shelvey og Javi Manquillo meiddust allir í nára og þá spilaði varamaðurinn DeAndre Yedlin og Fabian Schar meiddir í síðari hálfleiknum.
„Ég hef aldrei upplifað annað eins á 15 mínútum. Við gáfum tvö tvö mörk og misstum svo fjóra leikmenn í meiðsli. DeAndre Yedlin braut hendina innan við mínútu eftir að hafa komið inná en hélt áfram leik," sagði Bruce.
„Jonjo Shelvey meiddist í nára svo við þurftum að taka hann af velli í hálfleik. Það var þriðja skiptingin okkar og maður vonaðist eftir því besta að við myndum hafa af síðari hálfleikinn en við náðum ekki að endast í mínútu áður en Fabian Schar meiddist."
„Það er sturlun að þrír leikmenn meiðast í nára í leiknum og það var af því þeir voru þreyttir. Ég sagði það fyrir jól að þetta magn af leikjum er fáránlegt og því verða úrslitin svona," sagði Bruce.
Athugasemdir