Draxler valdi Benfica (Staðfest)
Mynd: Getty Images
Mynd: Getty Images
Julian Draxler er orðinn nýr leikmaður Benfica á eins árs lánssamningi frá Frakklandsmeisturum Paris Saint-Germain.
Draxler, sem verður 29 ára í mánuðinum, hefur leikið 198 leiki á fimm og hálfu ári hjá PSG. Hann er kantmaður að upplagi en gríðarlega fjölhæfur þar sem hann getur verið á báðum köntum og einnig leikið á miðjunni eða í fremstu víglínu.
Draxler á 58 landsleiki að baki fyrir Þýskaland og tvö ár eftir af samningnum við PSG sem verður væntanlega ekki endurnýjaður.
Draxler er áttundi leikmaðurinn til að ganga í raðir Benfica í sumar eftir mönnum á borð við David Neres, Fredrik Aursnes og Enzo Fernandez.
Það voru ýmis úrvalsdeildarfélög orðuð við Draxler í sumar en hann valdi að skipta til Benfica.
Þjóðverjinn hefur skorað 26 mörk í 198 leikjum hjá PSG.
✍️ Bem-vindo, Draxler!
— SL Benfica (@SLBenfica) September 1, 2022
🇩🇪 🦅 Welcome!#EuAmoOBenfica || #Draxler pic.twitter.com/Y2ag4QBRCb
