Paul Barber, framkvæmdastjóri og varaforseti Brighton, segir félagið vera mótfallið því að spila á hlutlausum völlum.

„Við skiljum að nú ríkja erfiðar aðstæður og það þarf að skoða alla möguleika en við erum mótfallin því að tímabilið skuli klárað á hlutlausum leikvöngum," sagði Barber.

„Það er augljóst að félög verða að mætast á miðri leið en við teljum að það myndi hafa veruleg áhrif á heillindi keppninnar að spila síðustu leikina á hlutlausum völlum.

„Við eigum níu leiki eftir. Fimm af þeim eru erfiðir heimaleikir, fjórir eru gegn stærstu félögum í Evrópu. Það er gífurlega mikilvægt fyrir okkur að spila þessa leiki á Amex leikvanginum, með eða án áhorfenda.

„Við myndum hagnast á því að spila útileikina fjóra á hlutlausum velli en það er ekkert jafnvægi þarna á milli."

Brighton er í fallbaráttu, með 29 stig eftir 29 umferðir, tveimur stigum frá fallsæti. Næstu leikir liðsins eru gegn Arsenal, Leicester og Manchester United.

Þar á eftir er fallbaráttuslagur gegn Norwich og svo leikir við Liverpool, Manchester City, Southampton, Newcastle og Burnley.