Brynjar Ingi Bjarnason.
Sævar Pétursson, framkvæmdastjóri KA, deildi því á Twitter á dögunum að Brynjar Ingi Bjarnason hefði verið í B-liði í 3. flokki sem kantmaður.
Núna er hann kominn út í atvinnumennsku á Ítalíu sem miðvörður og er viðloðandi landsliðið.
Sævar var í viðtalið í útvarpsþættinum Fótbolta.net í dag þar sem hann spjallaði um Brynjar, sem samdi nýverið við Lecce á Ítalíu.
„Þetta er hrikalega skemmtileg saga og eitthvað sem ýja að okkar iðkendum. Það eru fimm ár síðan hann var B-liðs maður sem kantmaður í 3. flokki hjá okkur. Hann ákveður svo í samráði við Míló og Atla Svein að prófa hafsent þegar hann kemur upp í 2. flokk. Það gengur vel og finnur sig vel í þeirri stöðu," sagði Sævar.
„Hann fer á láni í Magna, spilar þar gott tímabil í 1. deild. Þetta er skemmtileg saga um öðruvísi leið og gefur þeim sem eru ekki inn á þessum landsliðsradar eða eru framúrskarandi upp til 15-16 ára, gott tækifæri til að halda áfram."
Sjá einnig:
Brynjar ekki að hugsa um peningana - „Mjög þroskuð ákvörðun"
Spennandi tímar fyrir Binna. Frábær saga fyrir unga leikmenn. Er í b-liði 3.fl hjá KA sem kantmaður, finnur nýja stöðu sem hentar betur. Fer á lán í neðri deildir. Fer svo all in í vetur, æfir alla morgna aukalega og það að skila sér síðustu vikur. Innilega til lukku Binni. https://t.co/arKR4hY6OR
— saevar petursson (@saevarp) June 30, 2021
Athugasemdir
