Castagne er afar fjölhæfur bakvörður sem getur leikið bæði vinstra og hægra megin í vörninni auk þess að vera öflugur á báðum köntum.

Hann er fenginn til að fylla í skarð Ben Chilwell en óljóst er hvort Castagne muni taka sæti hans eða vera notaður annars staðar á vellinum.

Castagne verður 25 ára í desember og hefur skorað tvö mörk í 7 A-landsleikjum fyrir Belgíu. Hann kom við sögu í 96 leikjum á þremur árum hjá Atalanta en yfirleitt af bekknum, þar sem hann fyllti reglulega í skarð Hans Hateboer hægra megin og Robin Gosens vinstra megin.

Atalanta ætlar að fá Rick Karsdorp til að fylla í skarð Castagne.

Leicester er talið borga 21,5 milljón punda fyrir Castagne.