Eddie Salcedo og Matteo Pessina skoruðu mörk Verona í síðari hálfleik áður en Mario Balotelli minnkaði muninn með sínu öðru marki frá komunni til Brescia.

Nýliðar Lecce komust þá tvisvar sinnum yfir gegn Sassuolo en í bæði skiptin náðu gestirnir að jafna.

Jeremy Toljan, að láni frá Borussia Dortmund, gerði jöfnunarmark Sassuolo í fyrri hálfleik. Heimamenn í Lecce komust aftur yfir og héldu forystunni allt þar til Domenico Berardi skoraði á 85. mínútu.

Liðin eru jöfn með tíu stig í neðri hluta deildarinnar.

Að lokum hafði Udinese betur á útivelli gegn Genoa eftir að hafa lent undir í fyrri hálfleik.

Verona 2 - 1 Brescia
1-0 Eddie Salcedo ('50 )
2-0 Matteo Pessina ('81 )
2-1 Mario Balotelli ('85 )

Lecce 2 - 2 Sassuolo
1-0 Gianluca Lapadula ('18 )
1-1 Jeremy Toljan ('35 )
2-1 Filippo Falco ('42 )
2-2 Domenico Berardi ('85 )

Genoa 1 - 3 Udinese
1-0 Goran Pandev ('22 )
1-1 Rodrigo De Paul ('32 )
1-2 Ken Sema ('87)
1-3 Kevin Lasagna ('95)