Alisson Becker, brasilískur markvörður Liverpool, verður ekki með liðinu gegn Aston Villa í kvöld. Alisson varð fyrir smávægilegum meiðslum á æfingu og ætti að jafna sig á næstu dögum.
Liverpool verður einnig án Sadio Mane og Thiago Alcantara sem greindust með kórónuveiruna í vikunni.
Auk þeirra eru Joel Matip og Alex Oxlade-Chamberlain meiddir. Jordan Henderson er tæpur.
Adrian mun því byrja á milli stanga Liverpool sem freistar þess að vinna fjórða deildarleikinn í röð til að jafna nágranna sína í Everton á toppi úrvalsdeildarinnar.
Trent Alexander-Arnold og Fabinho voru taldir vera tæpir en fregnir frá Englandi herma að þeir séu klárir í slaginn og líklegir til að vera í byrjunarliðinu.
Athugasemdir