Jóhann Berg Guðmundsson og Jón Guðni Fjóluson verða ekki með vegna meiðsla og í þeirra stað koma Daníel Leó Grétarsson og Mikael Egill Ellertsson inn.

Daníel Leó er varnarmaður hjá Blackpool en hefur ekki verið í hóp að undanförnu.

Mikael Egill, sem er 19 ára, er hjá SPAL á Ítalíu. Þar hefur hann komið við sögu í þremur leikjum í B-deildinni. Hann var upphaflega valinn í æfingahóp U21 landsliðsins í þessum landsleikjaglugga.

Daníel Leó á einn A -landsleik að baki, gegn Kanada í janúar 2020. Mikael Egill hefur ekki leikið A landsleik, en var í hópnum í september.