Íslenska U19 ára landsliðið vann í dag Slóveníu 3-1 í fyrsta leik sínum í undankeppni EM.

Hákon Arnar Haraldsson og Orri Steinn Óskarsson sáu um að skora mörk íslenska liðsins en þeir eru báðir á mála hjá FC Kaupmannahöfn. Hákon kom íslenska liðinu yfir strax á fyrstu mínútu og Orri Steinn kom liðinu í 2-0 á 19. mínútu.

Slóvenar minnkuðu muninn snemma í seinni hálfleik en Orri Steinn kom íslenska liðinu fljótlega aftur í tveggja marka forystu. Á 68. mínútu varði svo Pálmi Rafn Arinbjörnsson vítaspyrnu og hélt forskoti Íslandi í tveimur mörkum.

Byrjunarlið íslenska liðsins má sjá hér að neðan, þeir Kjartan Kári Halldórsson og Ari Sigurpálsson komu inn á sem varamenn í seinni hálfleik.

Ísland er í riðli með Ítalíu, Litháen og Slóveníu í riðli og er leikið í Slóveníu dagana 6.-12. október. Ólafur Ingi Skúlason er þjálfari liðsins.