Ekkert var skorað í fyrri hálfleik en það var annað upp á teningnum í þeim síðari.

AIK komst tveimur mörkum yfir áður en Trelleborg minnkaði muninn. Tarik Elyounoussi skoraði sitt annað mark á 75. mínútu og gerði út um leikinn. Liðið bætti svo við einu marki í uppbótartíma.

Haukur Heiðar spilaði allan leikinn fyrir AIK sem er í efsta sæti deildarinnar, einu stigi á undan Hammarby sem á þó tvo leiki til góða.

Óttar Magnús Karlsson spilaði síðustu mínúturnar fyrir Trelleborg.