Kosicke ræddi við þýska blaðið Welt um framtíð Klopp en þar ræddi hann um bæði Liverpool og svo möguleikann á því að taka við þýska landsliðinu.

Þýski stjórinn hefur gert magnaða hluti með Liverpool en hann hefur einu sinni farið í úrslitaleik Evrópudeildarinnar og tvö ár í röð farið í úrslitaleik Meistaradeildarinnar. Þar vann Liverpool lið Tottenham 2-0.

Klopp hefur skapað góða stemningu innan félagsins og er hann ekki á förum þó hann hafi einn daginn áhuga á því að taka við þýska landsliðinu.

„Jürgen sagði einu sinni að ef Joachim Löw vill einn daginn hætta með þýska landsliðið þá væri það alveg möguleiki fyrir hann að taka við liðinu," sagði Kosicke.

„Hann hefur þó ekki hug á að fara áður en samningur hans klárast árið 2022. Liverpool vill meira að segja framlengja við hann og Jürgen fann það sjálfur í fögnuðinum eftir úrslitaleikinn í Meistaradeildinni hvað Liverpool væri frábært félag og að hann væri á réttum tíma og stað," sagði hann í lokin.