Elísa Bríet Björnsdóttir.
Barbára hefur farið vel af stað með Breiðabliki.
Sandra María er í liðinu.
Arna Eiríksdóttir.
Sandra María Jessen úr Þór/KA er í liði umferðarinnar í þriðja sinn í sumar en Amanda Andradóttir, Jasmín Erla Ingadóttir og Vigdís Lilja Kristjánsdóttir eru ótrúlegt en satt ekki í liðinu að þessu sinni eftir að hafa verið í fyrstu þremur úrvalsliðum sumarsins.
Amanda var meidd þegar Valur mætti Keflavík og Jasmín fór snemma meidd af velli. Þá var Vigdís frábær í sigri Breiðabliks gegn Stjörnunnar en rétt missir af sæti í liðinu.
Amanda var meidd þegar Valur mætti Keflavík og Jasmín fór snemma meidd af velli. Þá var Vigdís frábær í sigri Breiðabliks gegn Stjörnunnar en rétt missir af sæti í liðinu.
Ísfold Marý Sigtryggsdóttir var einnig öflug í sigri Þórs/KA gegn Val en það er Breiðablik sem á flesta fulltrúa í liðinu eftir stórsigur gegn nágrönnum sínum í Stjörnunni.
Agla María Albertsdóttir var besti leikmaður vallarins og þá voru félagar hennar í sóknarlínunni - Andrea Rut Bjarnadóttir og Birta Georgsdóttir - einnig mjög góðar. Barbára Sól Gísladóttir hefur þá byrjað frábærlega í búningi Breiðabliks. Nik Chamberlain er þjálfari umferðarinnar.
Elísa Bríet Björnsdóttir, 16 ára gömul, gerði sitt fyrsta mark í efstu deild þegar Tindastóll vann 3-0 sigur á Fylki í gær en hún er í liði umferðarinnar í annað sinn í sumar. Hún er gríðarlega efnilegur leikmaður. Laufey Harpa Halldórsdóttir, bakvörður Tindastóls, er einnig í liðinu í annað sinn.
Arna Eiríksdóttir stóð vaktina vel í vörn FH þegar liðið vann dramatískan sigur gegn Þrótti og hélt Aldís Guðlaugsdóttir hreinu í markinu.
Þá var Katie Cousins best í endurkomusigri Vals gegn Keflavík.
Elísa Bríet Björnsdóttir. Hvet fólk að leggja nafnið á minnið.
— Óskar Smári (@oskarsmari7) May 9, 2024
Fyrri lið umferðarinnar:
Sterkasta lið 3. umferðar
Sterkasta lið 2. umferðar
Sterkasta lið 1. umferðar
Athugasemdir
