Hollenski miðjumaðurinn hefur ekki fundið pláss í liðinu hjá Ole Gunnar Solskjær, stjóra Manchester United, og vildi fara til Everton í sumar en honum var ekki leyft að yfirgefa Rauðu djöflana.

Hann gekk í raðir Man Utd frá Ajax fyrir síðasta tímabil en hefur ekki fengið að spila mikið.

„Van de Beek er ekki það góður. Það er mun auðveldara að vera tía hjá Ajax en í Englandi og á Spáni," sagði Van Basten við Voetbal Zone.

Van de Beek hefur ekki enn komið við sögu í keppnisleik á tímabilinu en Van Basten telur að það hafi ekki verið sniðugt skref hjá leikmanninum að fara til Man Utd frá Ajax.