Lars Lagerback, fyrrum landsliðsþjálfari Íslands og núverandi, þjálfari Norðmanna var sérfræðingur hjá sænsku sjónvarpsstöðinni Viasat í kringum leik Barcelona og PSG í kvöld.
Lars lét Luis Suarez heyra það en hann fiskaði vítaspyrnu sem fimmta mark Barcelona kom úr í ótrúlegum 6-1 sigri liðsins. Suarez féll auðveldlega til jarðar en hann hafði fyrr í leiknum fengið gult spjald fyrir leikaraskap.
Lars lét Luis Suarez heyra það en hann fiskaði vítaspyrnu sem fimmta mark Barcelona kom úr í ótrúlegum 6-1 sigri liðsins. Suarez féll auðveldlega til jarðar en hann hafði fyrr í leiknum fengið gult spjald fyrir leikaraskap.
„Það er vitleysa að tveir hörkuleikir ráðist á þennan hátt. Ég tel að þetta sé sorglegt fyrir fótboltann. Það er svo ófaglegt hjá leikmönnum að haga sér á þennan hátt," sagði Lars grimmur.
„Þegar svona atvik koma upp þá tel ég að það eigi að refsa leikmönnum eftir á. Ég held að það geti hreinsað aðeins til í þessu," sagði Lars.
Landsliðsmaðurinn Ólafur Ingi Skúlason er klárlega sammála Lars eins og sést á Twitter.
Suarez er mesti svindlari í sögu fótboltans!
— Olafur Ingi Skulason (@oliskulason16) March 8, 2017
Athugasemdir