Ítalski fjölmiðillinn Corriere dello Sport segir frá því í dag að samkvæmt sínum heimildum hafi Liverpool boðið 25,8 milljónir punda í Lorenzo Pellegrini sem er miðjumaður Roma.
Pellegrini er sagður vera með riftunarákvæði í samningi sínum sem segir að honum sé frjálst að fara ef félag kemur með 25,8 milljón punda tilboð í leikmanninn.
Pellegrini, sem er í ítalska landsliðshópnum sem fer á EM, gæti því komið í stað Gini Wijnaldum sem er að ganga í raðir PSG á frjálsri sölu.
Samningur Pellegrini er að renna út næsta sumar. Ef Liverpool kaupir miðjumanninn þá verða það þriðju kaup Liverpool frá Roma á ekki svo löngum tíma. Áður hafði félagið keypt Mo Salah og Alisson Becker frá ítalska félaginu.
Pellegrini skoraði ellefu mörk og lagði upp níu í öllum keppnum á liðinni leiktíð.
Athugasemdir
