Þór Akureyri hefur verið án tveggja lykilmanna sinna í síðustu tveimur leikjum sínum í Inkasso-deild karla.
Um er að ræða Spánverjana Alvaro Montejo og Nacho Gil. Þeir hafa báðir verið að glíma við meiðsli.
Þrátt fyrir að þá hafi báða vantað í síðasta leik þá vann Þór 3-0 sigur gegn Fram. Eftir leikinn tjáði Gregg Ryder, þjálfari Þórs, sig um stöðuna á þeim.
„Við höldum að Nacho komi til baka í næstu viku og við vonumst til þess að Alvaro komi fljótlega eftir það," sagði Gregg eftir leikinn síðastliðinn föstudag.
Þór er sem stendur í þriðja sæti Inkasso-deildarinnar með 19 stig eftir 10 leiki. Næsti leikur liðsins er grannaslagur gegn Magna á fimmtudag.
Athugasemdir