„Mér fannst við fá tækifæri til að ná allavega tveimur mörkum. Við hefðum mátt skapa meira í endann þegar það var komið stress í þá," sagði kantmaðurinn.

Jón Dagur átti öflugan leik. Var hann svekktur að vera tekinn út af?

„Ég var búinn að hlaupa mikið og það var kannski bara fín ákvörðun að fá ferskar fætur inn. Ég var orðinn þreyttur. Það var ekkert svekkelsi. Þetta var fínn leikur hjá mér."

„Þetta er mjög skemmtilegur hópur. Þetta er frekar nýtt lið og mér finnst við vera að taka rétt skref. Auðvitað eru hlutir sem við getum gert betur. Vonandi fara úrslitin að detta með okkur. Við eigum að setja markmið að vinna alla heimaleiki."

Ísland mætir Liechtenstein í næstu viku. Það er skyldusigur.