Breiðablik 3 - 0 Stjarnan
1-0 Melina Ayres ('41)
2-0 Birta Georgsdóttir ('51)
3-0 Melina Ayres ('63, víti)
Breiðablik er búið að jafna Val, Keflavík og Þór/KA að stigum í 2-5. sæti Bestu deildarinnar eftir þægilegan sigur gegn Stjörnunni.
Blikar fengu Stjörnuna í heimsókn og voru við stjórn frá fyrstu mínútu.
Melina Ayres skoraði fyrsta markið undir lok fyrri hálfleiks eftir laglega stoðsendingu með hælnum frá Hildi Antonsdóttur og var staðan 1-0 í leikhlé.
Birta Georgsdóttir tvöfaldaði forystuna með frábæru einstaklingsframtaki í upphafi síðari hálfleiks. Hún fékk boltann úr innkasti og lék á nokkra varnarmenn Stjörnunnar áður en hún skoraði með laglegu skoti í fjærhornið.
Rúmlega tíu mínútum síðar fékk Hildur dæmda vítaspyrnu þegar skot hennar fór í hendi á varnarmanni. Melina steig á vítapunktinn og gulltryggði sigur Blika.
Breiðablik er með sex stig eftir þrjár umferðir. Stjarnan er með fjögur stig.
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |