Jón Dagur Þorsteinsson leikmaður Vendsyssel í Danmörku er í íslenska landsliðshópnum sem að æfir í Katar þessa dagana og spilar æfingaleiki gegn Svíum og Eistum á næstu dögum.
„Ég er að fíla þetta í botn. Aðstæðurnar eru frábærarar og hitastigið er gott," sagði Jón Dagur aðspurður hvernig hann væri að fíla Katar.
„Menn eru aðeins þreyttir eftir langt ferðalag en flestir orðnir frískir núna. Við erum búnir að ná tveimur eða þremur góðum æfingum finnst mér."
Ísland og Svíþjóð mætast í æfingaleik annað kvöld í Katar. Leikurinn hefst 16:45 á íslenskum tíma.
„Við erum fyrst og fremst að hugsa um sjálfa okkur og reyna að bæta okkar leik. Við munum sennilega aðeins kíkja á Svíþjóð í kvöld síðan."
Vendsyssel, liðs Jóns Dags hefur verið í basli á leiktíðinni og situr í tólfta sæti af fjórtán liðum í dönsku úrvalsdeildinni.
„Við höfum verið að ströggla en síðan náðum við í einhverja sigra fyrir jólafrí. Seinni hlutinn verður bara 50/50. Það verður bara gaman að takast á við þetta verkefni."
„Við höfum verið að ströggla á móti liðum sem eru í kringum okkur en síðan að ná í stig á móti hinum liðunum. Ef við breytum því og förum að vinna líka liðin í kringum okkur þá eigum við flottan séns.
Viðtalið við Jón Dag má sjá í heild sinni hér að ofan.
Athugasemdir