Crystal Palace tekur á móti Tottenham í síðasta leik dagsins í enska boltanum og er Wilfried Zaha, besti leikmaður heimamanna, ekki í hóp.
Líklegt er að Zaha hafi meiðst eða veikst í dag því Roy Hodgson sagði ekkert athugavert á fréttamannafundi í gær.
Jordan Ayew tekur stöðu hans sem fremsti leikmaður Palace sem teflir annars fram óbreyttu liði frá 3-1 tapi gegn Chelsea um síðustu helgi.
Mauricio Pochettino gerir tvær breytingar á liðinu sem lagði Wolves að velli í síðustu umferð. Victor Wanyama og Dele Alli koma inn í liðið í stað Harry Winks og Mousa Dembele, sem er meiddur.
Jan Vertonghen, Danny Rose og Vincent Janssen eru einnig meiddir í liði Tottenham og þá vantar Christian Benteke, Conor Wickham, Scott Dann og Joel Ward í lið Crystal Palace.
Tottenham getur jafnað Liverpool og Chelsea að stigum með sigri á meðan Palace þarf sigur í fallbaráttunni.
Crystal Palace: Hennessey, Van Aanholt, Tomkins, Sakho, Wan-Bissaka, McArthur, Milivojevic, Meyer, Kouyate, Townsend, Ayew
Tottenham: Lloris, Davies, Foyth, Alderweireld, Trippier, Wanyama, Sissoko, Alli, Moura, Lamela, Kane
Athugasemdir