„Við byrjuðum mjög vel og hefðum átt að vera komnir 2-3 mörkum yfir í byrjun fyrri hálfleiks," sagði Óttar Magnús Karlsson eftir 2-2 jafntefli gegn Svíþjóð í vináttulandsleik í Katar í dag.
Lestu um leikinn: Ísland 2 - 2 Svíþjóð
„Ég átti gott færi eftir mjög vel upplagt horn, við vorum búnir að æfa þetta á æfingasvæðinu. Það heppnaðist allt nema að setja hann inn. Það kemur næst."
„Þetta var skemmtilegt. Það eru flestir hérna ekki búnir að spila mikið saman og að koma úr fríi, en þetta var gaman."
Óttar kom Íslandi yfir snemma leiks. Þetta var hans annað landsliðsmark í sjötta landsleiknum. Það var sérstaklega skemmtilegt fyrir hann að skora gegn Svíþjóð, en hann leikur þar í landi. Óttar gekk á dögunum til liðs við Mjallby í sænsku B-deildinni eftir að hafa verið í láni hjá Trelleborg frá Molde á síðasta tímabili.
„Mjög fínt. Ég er búinn að vera þarna í eitt tímabil. Þeir voru vonandi að fylgjast með hjá liðinu þar sem ég var í Svíþjóð."
„Ég smellhitti hann beint á ristina. Það var gaman að sjá hann inni," sagði Óttar.
Viðtalið er í heild sinni hér að ofan.
Athugasemdir
