Bernardo hefur stimplað sig inn sem einn besti leikmaður ensku úrvalsdeildarinnar síðustu ár og var meðal annars í liði ársins hjá PFA í ár er Manchester City vann deildina.

Portúgalinn hefur verið á mála hjá City í fimm ár en síðustu tvö ár hefur hann verið að skoða sín mál og íhuga það að reyna fyrir sér annars staðar.

Leikmaðurinn hefur síðustu daga verið orðaður við Barcelona en hann var fremur hljóðlátur er hann var spurður út í framtíðina á dögunum.

„Ég get því miður ekki sagt neitt um þetta. Ég er einbeittur á landsliðið en við sjáum hvað gerist þegar tímabilið er búið," sagði Bernardo.

Fjölmiðlar ytra hafa rætt það að Bernardo hafi mikinn áhuga á því að fara til Barcelona en myndi ekki þrýsta á Man City að keyra söluna í gegn.