Enska þjóðin hefur talað um það síðustu daga að fótboltinn sé að koma heim (eins og segir í laginu) en það gerist allavega ekki strax. Englendingar voru slegnir út í undanúrslitum Heimsmeistaramótsins í Rússlandi rétt í þessu.

Króatía er komið í úrslitaleikinn og mun þar spila við Frakkland á sunnudaginn kemur.

Fagnað með bjórsturtu
England byrjaði leikinn frábærlega og komst yfir strax eftir fimm mínútna leik. Bakvörðurinn Kieran Trippier skoraði þá beint úr aukaspyrnu, glæsilegt mark.

Smelltu hér til að sjá markið hjá Trippier á vef RÚV.

Enska þjóðin fagnaði markinu vel og innilega en í Hyde Park í Lundúnum gerðist þetta:

England fans in Hyde Park waste about $10,000 in beer on team’s first goal against Croatia pic.twitter.com/lfCxGZfqNW

— Darren Rovell (@darrenrovell) July 11, 2018

England leiddi 1-0 í hálfleik og voru með leikinn í höndum sér.

Króatar tóku yfir
Um miðjan seinni hálfleikinn ákváðu hins vegar Króatar að taka leikinn yfir. Þeir fengu aukinn kraft og jöfnuðu metin á 68. mínútu leiksins. Ivan Perisic skoraði markið þar sem hann hafði betur en Kyle Walker í baráttunni í teignum.

Sjáðu markið hjá Perisic á vef RÚV.

Staðan 1-1. Perisic komst nálægt því að skora aftur nokkrum mínútum síðar en skot hans endaði í stönginni.

Það var eins og allt loft hefði horfið úr Englendingum. Þeir misstu allan kraft og Króatar tóku völdin. Það voru hins vegar ekki fleiri mörk skoruð í venjulegum leiktíma og því þurfti að grípa til framlengingar.

Þetta var þriðja framlenging Króata í röð en það voru þeir sem höfðu betur. Mario Mandzukic skoraði sigurmarkið á 109. mínútu eftir sofandahátt í vörn Englands.

Smelltu hér til að sjá sigurmark Mandzukic.

Ansi klaufalegt hjá Englandi og þeir fara ekki í sinn fyrsta úrslitaleik frá 1966. Þeir spila við Belgíu um þriðja sætið.

Hvað þýða þessi úrslit?
England spilar við Belgíu um þriðja sætið á meðan Króatía fer í sinn fyrsta úrslitaleik og spilar við Frakkland á sunnudag.

The biggest goal in Croatian history? #CROENG // #WorldCup pic.twitter.com/cumCbcspcq

— FIFA World Cup 🏆 (@FIFAWorldCup) July 11, 2018