Franska félagið Marseille hefur ákveðið að rifta samningi við varnarmanninn Adil Rami.

Rami var fyrr í sumar settur í bann hjá Marseille eftir að hann mætti ekki til æfinga hjá félaginu.

Rami sagðist vera meiddur en hann gerði síðan forráðamenn félagsins brjálaða þegar hann mætti í leðjuslag í raunveruleikasjónvarpi í Frakklandi.

Forráðamenn Marseille voru ósáttir við að sjá Rami í raunveruleikasjónvarpinu þegar hann sagðist vera meiddur og niðurstaðan var sú að hann var rekinn frá félaginu.