Andri Fannar er tvítugur vængmaður sem kemur til félagsins frá Fjölni, þar sem hann er uppalinn, en hann lék með Þrótti R. á síðustu leiktíð.

Einar Karl er 21 árs gamall bakvörður og kemur frá Sindra, en hann hefur spilað þar síðustu fjögur tímabil. Hann er uppalinn í FH en mun nú spila með ÍR-ingum.

Síðast en ekki síst er Sæmundur Schepsky mættur en þessi fjölhæfi leikmaður getur spilað flest allar stöður á vellinum. Hann er uppalinn í Fram en fór ungur að árum til Víkings.

Sæmundur þekkir vel til hjá ÍR en hann á leiki með liðinu í Lengjubikarnum. Hann hefur spilað fyrir Árbæ, Elliða og Aftureldingu ásamt því að hafa leikið 17 leiki fyrir Úlfana í bæði deild- og bikar.