Það verður dregið í fyrstu umferð forkeppninnar í næstu viku, á næsta föstudag.

Fyrirkomulagið verður alveg eins og í fyrra þegar fjögur lið voru dregin saman og mætast svo innbyrðis í undanúrslitum og svo í úrslitaleik um að komast áfram í aðra umferð forkeppninnar.

Breiðablik fór alla leið í riðlakeppnina í fyrra - eftirminnilega - á meðan Valur féll úr leik í fyrstu umferð þar sem þær drógust gegn þýska félaginu Hoffenheim.

Hér að neðan - með því að smella á tístið - má hvaða liðum okkar fulltrúar í þessari skemmtilegu keppni geta mætt þegar dregið verður að viku liðinni.

Íslandsmeistarar Vals gætu til að mynda mætt Rangers frá Skotlandi og Breiðablik gæti þurft að spila þýska úrvalsdeilarfélagið Frankfurt eða Kristianstad frá Svíþjóð. Elísabet Gunnarsdóttir stýrir Kristianstad og yrði það svo sannarlega áhugaverð viðureign.