Napoli fær Arsenal í heimsókn í Evrópudeildinni í dag. Þetta er seinni leikur liðanna í 8-liða úrslitum. Napoli er 2-0 undir í einvíginu þar sem Arsenal vann á heimavelli.
Carlo Ancelotti, stjóri Napoli, býst við stórkostlegri frammistöðu frá sínum mönnum í dag.
„Ég er viss um að við munum sýna stórkostlega frammistöðu," sagði Ancelotti við blaðamenn í gær.
„Verður það nóg? Ég held það, ég held að við getum unnið þetta einvígi."
„Hvað þurfum við að gera? Í þremur orðum. Hugrekki, gáfur og hjarta."
Leikur Napoli og Arsenal hefst klukkan 19:00 og er í beinni útsendingu á Stöð 2 Sport 4.
Athugasemdir