Brasilíski sóknarmaðurinn Neymar verður ekki með Paris Saint-Germain um helgina gegn Nantes í frönsku deildinni á meðan Sergio Ramos er vongóður um að vera í hópnum.
Neymar er meiddur í læri og var ekki með Brasilíu gegn Argentínu í undankeppni HM á dögunum.
Hann verður því ekki með PSG gegn Nantes um helgina og gæti mögulega misst af leiknum gegn Manchester City í Meistaradeildinni í næstu viku.
Spænski miðvörðurinn Sergio Ramos hefur ekki enn sparkað í bolta fyrir PSG frá því hann kom á frjálsri sölu frá Real Madrid í sumar en hann er vongóður um að vera í hópnum um helgina samkvæmt L'Equipe.
Marco Verratti og Presnel Kimpembe gætu einnig náð leiknum um helgina en þó er möguleiki á að þeir verði hvíldir fyrir stórleikinn gegn City.
Athugasemdir