Víkingur hefur lánað Loga Tómasson í Þrótt úr tímabilið.
Logi er vinstri kantmaður sem fékk eldskírn sína með meistaraflokki Víkings í Pepsi-deildinni í sumar.
Hann er á 18. aldursári og spilaði þrjá leiki með liðinu í deildinni og einn í Mjólkurbikarnum.
Logi hafði ekki spilað í deildinni síðan 18. maí og spilaði svo bikarleikinn gegn Kára 31. maí en síðan þá ekki verið í myndinni hjá nafna sínum, Loga Ólafssyni þjálfara liðsins.
Hann fær nú tækifæri hjá Gunnlaugi Jónssyni þjálfara Þróttar sem er að gera breytingar á liði sínu en Víðir Þorvarðarson og Karl Brynjar Björnsson voru leystir undan samningi hjá félaginu í gær.
Athugasemdir