Eddie Howe verður ekki á hliðarlínunni á morgun er Newcastle og Brentford eigast við í ensku úrvalsdeildinni.
Þetta var staðfest nú í kvöld en Howe greindist með COVID í dag og verður því fjarri góðu gamni.
Þetta átti að verða fyrsti leikur Newcastle undir stjórn Howe en hann tók við af Steve Bruce nýlega.
Gengi Newcastle hefur verið ömurlegt á tímabilinu en liðið hefur enn ekki unnið deildarleik eftir 11 umferðir.
Howe mun því fylgjast með þessari viðureign í sjónvarpinu en leikið er á St. James' Park, heimavelli Newcastle.
Athugasemdir