Fótbolti.net

fös 20. mars 2026 10:20

Guðmundur Aðalsteinn Ásgeirsson

Jakob Gunnar spáir í leiki helgarinnar á Englandi

Jakob Gunnar Sigurðsson, leikmaður Lyngby í Danmörku.

Mynd: Lyngby

Arne Slot, stjóri Liverpool.

Mynd: EPA

Einn harðasti Gordon maður landsins.

Mynd: EPA

Jakob Gunnar spáir sigri Arsenal í úrslitaleik deildabikarsins.

Mynd: EPA

Það er mjög svo áhugaverð helgi framundan í enska boltanum. Veislan byrjar í kvöld og klárast á sunnudaginn með úrslitaleik deildabikarsins þar sem tvö efstu lið ensku úrvalsdeildarinnar eigast við.

Jakob Gunnar Sigurðsson, sóknarmaður Lyngby í Danmörku, fékk það verkefni að spá í leikina. Jakob Gunnar spáir í einn leik í Championship og úrslitaleik deildabikarsins þar sem það eru bara átta leikir á dagskrá í ensku úrvalsdeildinni um helgina.

Championship
Ipswich 1 - 3 Millwall (12:30 á morgun)
Mínir menn í Millwall að eiga frábært tímabil og eru að koma mönnum á óvart. Þeir halda afram að skora eftir föst leikatriði. Ef menn hafa lítið að gera 12:30 á laugardegi verður þetta frábær skemmtun.

Enska úrvalsdeildin
Bournemouth 1 - 2 Man Utd (20:00 í kvöld)
United með góðan sigur gegn Villa, Bournemouth ekki skorað í síðustu tveimur. Skora þó núna en það dugir ekki til. Arnar Páll harðasti United maður landsins skemmtir sér vel.

Brighton 2 - 0 Liverpool (12:30 á morgun)
Kóngurinn Danny Welbeck hendir í tvö mörk og Arne Slot rekinn sirka korteri eftir leik, vonandi byrjar Frimpong á kantinum svo ég geti poppað popp og hlegið í 90 mínutur. Veikir vinir mínir eins og Aron Valur og Hrafn Guðmunds svo einhverjir séu nefndir munu svo væntanlega segja mér eftir leik að þeir vinni bara titilinn á næsta tímabili.

Fulham 1 - 1 Burnley (15:00 á morgun)
Fulham verða með sirka 7 í xG en Dubravka á stórleik í markinu, Burnley jafnar á 90+ og halda í vonina að koma sér upp úr fallsæti.

Everton 2 - 3 Chelsea (17:30 á morgun)
Liam Rosenior hendir í einhverja alvöru veislu, liðsfundur í miðjuhringnum með dómarann í hringnum! Maðurinnn er í 7D skák, þvílíkur kóngur. Er nýbúinn að kaupa Joao Pedro í Fantasy þannig hann skorar líklegast ekki. Beto eða Barry skora en bara annar hvor samt.

Leeds 0 - 1 Brentford (20:00 á morgun)
Kelleher fær svakalega magapest í upphitun og getur ekki spilað, Hákon í búrið, 10+ vörslur 0-0 eftir 95, bætt við sex mínútum, Brentford fær horn og Hákon inn í. Beint á pönnuna á Hákoni og getur ekki farið lengra upp í samúel.

Newcastle 1 - 0 Sunderland (12:00 á sunnudag)
Þetta verður leikur umferðarinnar, þrjú rauð spjöld, mikið af færum og late winner. Gæti séð Gordon skora, er einn harðasti Gordon maður landsins.

Aston Villa 2 - 0 West Ham (14:15 á sunnudag)
Aston Villa koma sér aðeins frammúr Liverpool með sigri, Harvey Elliott poppar upp og setur bæði bara til að strá salti í sárin hjá Liverpool mönnum.

Tottenham 0 - 5 Nottingham Forest (14:15 á sunnudag)
Tottenham alveg hrottalega lélegir. Ætli Tudorinn reyni ekki bara að tapa til að komast út úr þessu eitraða umhverfi þarna i Norður-Lundúnum?

Úrslitaleikur deildabikarsins
Arsenal 2 - 0 Man City (16:30 á sunnudag)
Stærsti leikur ársins hingað til. Bikar í boði og Arsenal eru bara í allt öðrum styrkleika en restin af liðunum í þessari deild. Gyökeres, betur þekktur sem Glock-14 eða sumir þekkja hann sem besta framherja ensku úrvalsdeildarinnar, setur bæði og hendir grímunni á sig. Sá fyrsti af fjórum hjá okkur Arsenal mönnum og annar af fimm hjá Eze.

Fyrri spámenn:
Páll Sævar (7 réttir)
Elliði Snær Viðarsson (6 réttir)
Hinrik Harðarson (6 réttir)
Arnar Laufdal (6 réttir)
Óskar Borgþórs (6 réttir)
Sævar Atli (6 réttir)
Ísak Bergmann (6 réttir)
Ívar Örn (5 réttir)
Brynjar Atli (5 réttir)
Sandra Erlingsdóttir (5 réttir)
Björn Bragi (5 réttir)
Hjammi (5 réttir)
Martin Hermanns (5 réttir)
Kristján Óli (4 réttir)
Baddi Borgars (4 réttir)
Ásgeir Frank (4 réttir)
Viktor Bjarki (4 réttir)
Viktor Gísli (4. réttir)
Nablinn (4 réttir)
Helgi Guðjónsson (4 réttir)
Thelma Karen (4 réttir)
Tumi Þorvars (4 réttir)
Gummi Ben (4 réttir)
Gunni Birgis (3 réttir)
Bolli Már (3 réttir)
Elín Helena (3 réttir)
Siggi Höskulds (3 réttir)
Sérfræðingurinn (2 réttir)
Valgeir Valgeirs (2 réttir)
Óðinn Svan (1 réttur)

Hér fyrir neðan má sjá stigatöfluna í deildinni.

		L	U	J	T	ms:	mf:	mun	Stig
1	Arsenal	37	25	7	5	69	26	+43	82
2	Man City	37	23	9	5	76	33	+43	78
3	Man Utd	37	19	11	7	66	50	+16	68
4	Aston Villa	37	18	8	11	54	48	+6	62
5	Liverpool	37	17	8	12	62	52	+10	59
6	Bournemouth	37	13	17	7	57	53	+4	56
7	Brighton	37	14	11	12	52	43	+9	53
8	Chelsea	37	14	10	13	57	50	+7	52
9	Brentford	37	14	10	13	54	51	+3	52
10	Sunderland	37	13	12	12	40	47	-7	51
11	Newcastle	37	14	7	16	53	53	0	49
12	Everton	37	13	10	14	47	49	-2	49
13	Fulham	37	14	7	16	45	51	-6	49
14	Leeds	37	11	14	12	49	53	-4	47
15	Crystal Palace	37	11	12	14	40	49	-9	45
16	Nott. Forest	37	11	10	16	47	50	-3	43
17	Tottenham	37	9	11	17	47	57	-10	38
18	West Ham	37	9	9	19	43	65	-22	36
19	Burnley	37	4	9	24	37	74	-37	21
20	Wolves	37	3	10	24	26	67	-41	19