Brasilíski sóknarmanninum Serginho var misboðið er hann spilaði leik í úrvalsdeildinni í Bólivíu nýverið. Serginho gekk af velli eftir að hann hafði orðið fyrir kynþáttaníð.
Þessi 34 ára gamli sóknarmaður segir að það verði að binda endi á kynþáttafordóma í landinu.
Hann ákvað að ganga af velli þar sem fjölskylda hans var á vellinum.
„Alltaf þegar ég fékk boltann þá var gargað á mig: Api! Górilla!" sagði Serginho. „Það verður að setja fordæmi í eitt skipti fyrir öll."
Wilstermann, félagið sem Serginho spilar fyrir, hefur lagt fram kvörtun vegna málsins. Blooming, mótherjinn í leiknum, fordæmir hegðun stuðningsmanna, en heldur því jafnframt fram að Serginho hafi ögrað stuðningsmönnum liðsins.
Hér að neðan má sjá myndband af því þegar Serginho gekk af velli.
Brazilian striker Serginho walked off the field after being subjected to racist chants during a Bolivian Primera Division match. pic.twitter.com/S93R5ataMz
— ESPN FC (@ESPNFC) March 22, 2019
Athugasemdir